வீட்டிலேயே இயற்கையான முறையில் ’ஹேர் டை’ செய்ய அருமையான டிப்ஸ்..!

இது இயற்கை வழி என்பதால், அமோனியா பேராபென் போன்ற ஆபத்து விளைவிக்கும் கெமிக்கல்கள் இல்லாதவை.

ஹேர் டை

கெமிக்கல் முறையிலான ஹேர் கலரிங் , ஹேர் டை என்பது சிலருக்கு ஒவ்வாமையை ஏற்படுத்தலாம். சிலருக்கு முடி உதிர்தல் பிரச்னையை உண்டாக்கலாம். ஆனால் இது இயற்கை வழி என்பதால் ஆபத்துகள் இல்லாதவை. வீட்டிலேயே ஹேர் டை செய்ய இதோ டிப்ஸ்.

கேரட் ஜூஸ் : 1 கப் கேரட் ஜூஸில் 2 ஸ்பூன் தேங்காய் எண்ணெய் கலந்து தலையில் தேய்த்து ஒரு மணி நேரம் ஊற வைக்க வேண்டும். வீட்டில் ஆப்பில் சிடர் வினிகர் இருந்தால் அதில் தலையை அலசுங்கள். எதிர்பார்த்த நிறம் கிடைக்கவில்லை எனில் மீண்டும் வாரம் ஒருமுறை செய்யலாம்.

காஃபி பொடி : வறுத்த காஃபி கொட்டை ஒரு ஸ்பூன் மற்றும் காஃபி பொடி அரை ஸ்பூன் வீதம் எடுத்துக்கொள்ளுங்கள். அதில் ஹேர் கண்டிஷ்னர் ஒரு ஸ்பூன் கலந்து தலையில் அப்ளை செய்யலாம். ஒரு மணி நேரம் கழித்து தலைக்குக் குளியுங்கள்.

பீட்ரூட் ஜூஸ் : 1 கப் பீட்ரூட் ஜூஸில் 2 ஸ்பூன் தேங்காய் எண்ணெய் கலந்து அதை முடியில் தடவுங்கள். பின் ஷவர் கேப் கொண்டு தலையை மூடிவிடுங்கள். ஒருமணி நேரம் கழித்து தலைக்குக் குளிக்கலாம்.

மருதாணி பொடி : மருதாணி அல்லது ஹென்னா பவுடரை அரை கப் எடுத்துக்கொண்டால் அதில் 1/4 கப் தண்ணீர் எடுத்துக்கொள்ள வேண்டும். நன்கு கெட்டியான பதத்தில் கலந்து தலை முடியில் அப்ளை செய்து ஹேர் கேப் கொண்டு மூடிக்கொள்ளுங்கள். 12 மணி நேரம் ஊற வைக்க வேண்டும். பின் கண்டிஷ்னர் பயன்படுத்தாமல் குளிக்க வேண்டும்.